KAG 02 TIVOLI PEYSAN – PRJÓNAPAKKI

KAG 02 TIVOLI PEYSAN

HÖNNUN: KATRÍN ÁSTA

KAG 02 TIVOLI PEYSAN er eins og gömul vinkona. Hún amma Katrín, amma okkar systra prjónaði á okkur peysur með þessu tígullaga mynstri þegar við vorum börn. Upphaflega var mynstrið með þremur litum. Við systurnar útfærðum þetta mynstur með mismunandi litum á unglingsárunum. Nú hefur Katrín systir mín sem heitir í höfuðið á ömmu Katrínu enn einu sinni haft þetta gamla mynstur að leiðarljósi þegar hún hannaði þessa fallegu peysu. Að þessu sinni er mynstrið tvílitað og í stað þriðja litarins er leikið með brugðnar lykkjur. Ermarnar líta út fyrir að vera ísettar og felling á öxinni gerir peysuna sérlega fallega.

AÐFERÐ

Peysan er prjónuð í hring neðanfrá og upp. Bolur og ermar eru prjónuð sitt í hvoru lagi með tvíbanda mynstri með lóðréttu mynstri í hliðum og upp innanverðar ermar. Bolur og ermar eru sameinaðar á einn hringprjón. Eftir að tvíbanda mynstur er klárað er berustykki prjónað með einum lit á hálfu númeri minni prjóna. Úrtökur á berustykki eru hannaðar til að líta út fyrir að vera ísettar ermar og felling á öxl gefur peysunni fágað yfirbragð.

STÆRÐIR: (XS, S) (M, L, XL) (2XL, 3XL)

Yfirvídd: (86, 91) (98, 102, 110) (122, 133) cm
Hálf yfirvídd, mæld flöt: (43, 45,5) (49, 51, 55) (61, 66,5) cm

BAND

Allar einrúm E-band tegundir.
Stærðir: (XS, S) (M, L, XL) (2XL, 3XL)
Peysan á myndinni er prjónuð í E-bandi með grunnlit E 1001 Silfurberg og mynsturlit E 1012 Brennisteinn.

Aðallitur: Litur A, E 1001: Silfurberg: (200, 200) (250, 250, 300) (300, 350) g. Mynsturlitur: Litur B, E 1012: Brennisteinn: (100, 100) (150, 150, 200) (200, 250) g.

PRJÓNAR

Hringprjónar nr. 3 mm og 3,5 mm, 60 eða 80 cm langir.
4 sokkaprjónar nr. 3 mm og 3,5 mm, eða langur hringprjónn fyrir “magic loop” tækni.
Heklunál fyrir uppfit ‘tubular cast on’, stoppunál.

#einrum
#einrumTIVOLIPEYSA
#einrumTIVOLISWEATER