Peysan er prjónuð ofan frá og niður. Lykkjur fyrir bakstykki eru prjónaðar upp meðfram jaðri axlastykkja sem prjónuð eru fyrst. Prjónað er fram og tilbaka niður að handvegi. Fyrir framstykkið er prjónað axlastykki með hnappagötum. Hálsmál á framstykkið prjónað í tveimur hlutum sem eru sameinaðir neðst á hálsmáli með því að fitja upp lykkjur. Framstykkið er prjónað fram og tilbaka niður að handvegi. Bolur er sameinaður á einn hringprjón og fitjað er upp fyrir lykkjum fyrir handveg. Úrtökur eru prjónaðar í hliðum á bol til að bolur haldi formi sínu. Lykkjur fyrir ermar eru prjónaðar upp frá bol. Ermi er formuð með styttum umferðum sem prjónaðar eru fram og tilbaka. Eftir að styttar umferðir hafa verið prjónaðar er ermi prjónuð í hring. Úrtökur á ermi eru sitt hvorum megin við upphaf umferðar. Að lokum er kraginn prjónaður með 6 eða 7 hnappagötum á jaðri allt eftir því hversu hár kraginn á að vera.

STÆRÐIR: (XS, S, M)(L, XL, 2XL)(3XL, 4XL, 5XL)